ALA-ALA ng KAHAPON

Iba ka na ngayon, kung dati sakto lang ang katawan mo ngayon nag level up kana... Siguro kasi hiyang ka sa work mo o dahil sa gf mo ngayon?hahaha... Naadd pala kita sa facebook ng hindi sinasadya dahil sa kakapindot ko nawala kasi sa isip ko na nasa contacts nga pala kita sa yahoo mail ko. Hindi ko alam kung dapat ko bang pagsisihan ang pag-add sayo kasi kapag nakikita kitang online parang may kaba sa dibdib ko. Ewan ko kung bakit.

Masaya ako na makita kitang masaya kasama ngayon ang bago mong mahal. Nakakatuwang unti unti mo na ring natutupad ang mga pangarap mo para sa pamilya mo. Buti kapa nakita mo na iyong babaeng mamahalin mo samantalang ako heto pa rin, nag-iisa... Loveless... kumbaga sa load eh zero balance... kung sa score naman bokya.

Nung minsan nakita kong online ka nagpm ako sayo gusto ko lang naman sanang mangamusta kaso gf mo pala ang nag-oopen ng account mo. Nahiya tuloy ako...

Ikaw ang first bf ko...

ang first kiss at kauna unahang lalakeng nagbigay sakin ng bouquet ng bulaklak...

Ikaw din ung pinakasweet...

Tanda ko pa nga nun kapag may dadaanan tayong eskinita kakargahin mo pa ako kasi sabi mo nga baka mashoot ung paa ko sa kanal dahil masyadong makitid ung daan...

Kapag walang naglalaro sa computer shop dati kakantahan mo ako na may paemote emote mo pa. Tapos isasayaw ako, kahit na muka tayong tanga nun... Napakasaya ko talaga...

Nung minsan namang nag double date tayo kasama ang kapatid ko dahil sa sobrang pagod ko pinasan mo ko sa likod mo na para ka lang nagpasan ng isang bata... Tawa pa ako ng tawa nun kasi sabi ko sayo ibaba mo na ako pero ang kulit mo kasi hindi mo pa rin ako binababa... Tuwang tuwa sila satin nun kasi ang sweet sweet daw natin na para tayong mga bata. Siguro daw tayo ang magkakatuluyan pero malabo un.

Meron pa nga tayo nung notebook na para bang isang diary na kapag hindi tayo nagkikita dun natin isusulat lahat para alam natin kung anong nararamdaman ng bawat isa tapos kapag magkikita tayo saka tayo magpapalitan ng notebook. Walang palyang hindi mo ako napaiyak sa bawat sulat mo kahit na nga minsan eh parang paulit ulit lang ung mga nakasulat dun. Minsan nga may kasama pang tula para sa akin. Samantalang ikaw tinatawanan mo lang ung mga sulat ko sayo.

Sabi mo sakin nun ayaw mo kong makitang umiiyak. Ikaw pa nga lagi nagpupunas ng luha ko na minsan pati sipon kasama na..hahaha pero dinadaan mo lagi sa biro ang lahat para lang patawanin ako. Hindi mo lang alam na tears of joy un dahil sayo.

Sa tuwing kakain tayo kulang na lang subuan mo ko. Pinaghihimay mo pa ako minsan tapos pipiliting kumain ng gulay para naman tumaba ako. Kapag naman gabi na, lagi nating pinapanood ang mga bituin sa langit tapos titingin ka sakin na may ngiti sa labi mo. Minsan nga naisip ko nakakatawa ba ang mukha ko? 


Madalas din kitang mahuling nakatitig sakin tapos nakangiti ka na parang ewan. Alam mo namang ayoko ng tinititigan ako, naiilang kasi ako. Pero sa totoo lang kinikilig kasi ako kapag nakatitig ka sakin pakiramdam ko ako ang pinakamagandang babae sa buong mundo kahit hindi naman.

Sinabi mo ding ako lang ang nakakaintindi sayo at nagpapasalamat ka dahil dumating ako sa buhay mo. Masarap sa pakiramdam kasi galing sayo. 

Kapag namamasyal tayo lagi mong sinasabing sana huminto ang oras para matagal pa tayong magkasama. Naalala ko pa nung minsang magkaroon ng problem ang smart dahil delay ang mga txt na narereceive mo. Pumunta ka ng dis oras ng gabi para lang icheck kung nakauwi na ba ako. Napangiti ako ng makita kita nun kasi akala ko binibiro mo lang ako na nasa labas ka ng bintana ko. Tapos ilang minuto lang umalis kana din dahil sabi mo nga gusto mo lang akong makita. Hay ang adik mo talaga...

Nung nag-away naman tayo napaiyak kita ng hindi ko sinasadya, nagseselos ka na pala ng hindi ko alam. Hindi ko alam ung gagawin ko that time sabi mo kasi wag kitang tingnan, nakasandal ka lang at nakayuko sa likod ko. Awang awa ako nun sayo kasi un ung unang beses na nakita kitang ganun, hindi ko rin kasi alam kung anong gagawin ko para icomfort ka pero buti nalang at naayos din un...

Dumating ung time na nagkaroon tayo ng problema at dahil na rin masyadong magulo ung sitwasyon umabot tayo sa hiwalayan. Hindi kasi tayo nagkaintindihan... Ni hindi na din tayo nagkaayos at nakapag-usap ng personal.

Nawalan man ng salitang "tayo".

Naging napakalaking bahagi ka pa rin ng buhay ko.

SALAMAT SA MGA ALA-ALA...